Atletiek word die eerste kwartaal en in die vierde kwartaal gedoen. Atletiekklere word verhuur by die skool en klere kan ook by Maretha’s gekoop word.  Ouers sal verantwoordelik gehou word vir die vervanging van die klere indien dit wel beskadig word.

Huissport : Gaan oor massa deelname en almal is welkom om die dag aan die atletiek deel te neem.

Atletiekspan : Die atlete wat plekke behaal het op die huissport word gekies tot die atletiekspan wat aan wegbyeenskomste deelneem in kwartaal 1 en 4.

Atlete wat aan die kwalifiserende tye / afstande voldoen, word ingeskryf vir die Clusterspan, daarna kan die atleet Distrik toe gaan en dan Gauteng of SA kampioenskappe.
Gr 1 – 3 neem net deel aan naellope.
Gr 4 en Gr 5 neem aan alles deel behalwe spiesgooi en diskus.
Gr 6 en Gr 7 neem aan alles deel en het ook spiesgooi en diskus.

Atlete wat verder deurgaan na Gautengkampioenskappe mag slegs aan rugby en netbal deelneem as daar n skriftelike brief by die Atletiekorganiseerder ingehandig word deur die ouers.

Atletiek Klub:

Laerskool Louis Leipoldt is geregistreer as ‘n atletiekklub by Gauteng Noord.

Leerders kan deel vorm van die Leipie Atletiekklub. ‘n Permanente AGN nommer kan by die skool gekoop word, wat tydens klub kampioenskappe deur die jaar gebruik word.

Eie Leipie atletiekfrokkie kan by kan by Maretha’s aangekoop word.

Die Gr R  – Gr 2 seuns neem deel aan bulletjie rugby. Oefening word deur ouers gereël, asook die oefentye. Die bulletjies neem deel aan vriendskaplike wedstryde en daar word ook aan toernooie deelgeneem soos die Loftusdag en Menlodag. Speel in vlootblou rugbybroek wat deur ouers verskaf word.

Oefentye is op Maandae en Woensdae vanaf 17:30

Krieket word in die derde kwartaal gespeel. Tuis sowel as wegwedstryde word gespeel.

Daar is o/9 A, o/10 A en B, o/11 A en B, o/12 A en B en o/13 A en B spanne.

Al die spanne speel met wit krieket langbroek en wit LL kriekethemp. Die o/13A span kan ook met geborgde klere speel. Afrigting word deur die skool se personeel gedoen. Elke speler moet sy eie toerusting aanskaf. A spanne speel geskeduleerde ligawedstryde. B spanne speel vrienskaplike wedstryde. Liga wenners word bepaal en verdere uitspeelwedstryde word gespeel.

Die hokkieliga word in die derde kwartaal gespeel.

Daar is agt dogterspanne: o/10 tot o/13 A en B. Daar is ses seunspanne: o/10 tot o/13 A, o/11 en 0/13 B. Al hierdie spanne neem aan die hokkieliga deel.

Die o/10 tot o/13 spanne bestaan uit 10 spelers insluitend ‘n doelwagter. Die o/12 en o/13 spanne bestaan uit die 14 spelers insluitend ‘n doelwagter.

Hokkiewedstrydklere word by die skool gehuur. Dit bly die ouers se verantwoordelikheid om seker te maak die klere word opgepas. Indien die klere sou beskadig word of wegraak, sal dit deur die ouers teen die vervangingskoste vervang moet word.

Massaproewe vind plaas in kwartaal vier. Hier word leerders geidentifiseer om deur te dring na die volgende rondte proewe aan die einde van kwartaal een. Hierna word die finale A en B spanne bekend gemaak.

Mondskerms en skeenbeskermers is verpligtend om aan die sport te kan deelneem.

o/10 – o/13 A – D

Voorseisoen wedstryde word reeds in die eerste kwartaal gespeel. Dogters o/10 – o/13 neem deel in spanne A tot C. Liga’s begin in die tweede kwartaal. Tuis- en wegwedstryde vind plaas soos op die jaarprogram aangedui word. Netbalklere word by Me N Keyser gehuur en ouers bly verantwoordelik vir die vervanging van beskadigde klere.

Die o/10 tot o/13, A en B spanne het elke jaar ‘n netbalkliniek om verdere vaardighede by die spelers vas te lê. Die C en D spanne sal ook ‘n kliniek hê en dit sal by die skool aangebied word.

Proewe vind plaas vir o/12A en o/13A spanne. Verdere uitspeel wedstryde vind plaas vir o/12A – o/13A spanne wat deurdring.

Verdere uitspeel wedstryde vir o/12 – o/13 A spanne wat deurdring.

B-spanne o/11 – o/13 neem ook deel aan die B-span festival aan die einde van die seisoen.

Landloop is ‘n sport wat heeljaar deur seuns en dogters beoefen kan word. Tydens die tweede kwartaal kan atlete van ouderdomme 0/7-0/13 aan die klubseisoen deelneem. Byeenkomste vind op Saterdae plaas. Ouers vervoer atlete self en hanteer die inskrywings. Hierdie kwartaal se deelname is baie goeie voorbereiding vir die skoolseisoen wat die derde kwartaal plaasvind. Atlete wat aan die kriteria voldoen kan Gauteng-Noord kleure behaal en die atlete kan aan Interprovinsiale Kampioenskappe deelneem.

Die  derde kwartaal kan atlete van ouderdomme 0/7-0/13 aan die skoolseisoen deelneem. Byeenkomste vind plaas op Vrydaemiddae. Leerders kan van busvervoer gebruik maak en die registrasie- en inskrywingsgelde word deur die skool betaal. Atlete wat aan die kriteria voldoen kan Gauteng-Noord kleure behaal en die atlete kan deelneem aan die SA Kampioenskappe. Landloopklere word by Mev Pretorius gehuur en dit bly die ouers se verantwoordelikheid indien die klere sou beskadig word of wegraak.

Derde kwartaal (skoolseisoen) vind afrigting by die laerskool plaas, of soos gereël deur organiseerder.

Voorseisoen wedstryde word ook reeds in die eerste kwartaal gespeel en die liga’s vind plaas in die tweede kwartaal.

Rugbytruie word by afrigters gehuur.
0/9 – 3de span speel in blou rugbybroekke
1 ste span speel in wit rugbybroek.
Die afrigting word gedoen deur die personeel van die skool.

Daar is ‘n 0/9 A&B, 0/10 A&B en 0/11 A&B span, asook ‘n derde span , ‘n tweede span  en ‘n eerste span. Die 0/12 en 0/13 seuns neem deel aan proewe en kan dan vir die Bloubul-span of ontwikkelingspan gekies word.
Rugbyklinieke word bygewoon om verdere vaardighede by die seuns tuis te bring.

Tuis- en wegwedstryde vind plaas soos op die jaarprogram aangedui.
Slegs die spanne wat ligawenners is verteenwoordig die Blou Bulle by die onderskeie bondedae.

Die o/6 dogters neem deel aan mandjiebal en oefen Maandae en Woensdae aande vanaf 17:30.

Die 0/7-0/9 mini-netbal roteer van posisie met elke wedstryd.

0/7 tot 0/9 neem deel aan voorseisoenwedstryde, asook wedstryde, wat gedurende die tweede kwartaal geskeduleer is.

Die 0/7 tot 0/9 spanne neem ook deel in die tweede kwartaal aan mini-netbal feestoernooie.

Skaak maak mens slim!

Voordele:

• Probleemoplossings word aangeleer
• Logiese denke, kreatiwiteit, lees en emosionele ontwikkeling word bevorder
• Beplanningsvaardighede ontwikkel
• Konsentrasie verbeter

Skaak vind plaas op Maandae en Woensdae.

Privaatafrigting vind plaas op Maandae teen R600 per kwartaal en Woensdae vind sosiale skaak plaas.

Sagtebal word in die derde kwartaal gespeel, tuis- sowel as wegwedstryde word gespeel.

Daar is 0/10 A – 0/13 A sagtebalspanne.

Die sagtebalklere word by Me L Louw gehuur en dit is die ouers se verantwoordelikheid om klere te vervang wat beskadig is.

Distriksproewe is vir o/12 en o/13 spelers wat genooi word. Spanne kan verder deelneem aan uitspeel wedstryde, indien die spanne daar wen vorder hulle na die kwarteind, daarna halfeind en dan speel hul in die finaal van Gauteng.

 

Tennis word in die eerste kwartaal gespeel. Siftingsrondtes en rondomtalies vind reeds in die vierde kwartaal plaas.

Daar is ligawedstryde vir seuns en dogters. Klere word by Me J Jordaan gehuur en die vervanging van beskadigde of verlore klere, is die ouers se verantwoordelikheid.

Tenniswedstryde vind plaas op Maandae. Elke speler moet in besit wees van sy/haar eie raket. Dubbels word geoefen op alternatiewe dae, gewoonlik Dinsdae en/of Woensdae.