Hiermee wens die hoof en personeel
van Laerskool Louis Leipoldt
ons kollegas, vriende,
ondersteuners en ouers ‘n
baie geseënde Kerstyd toe.

Geniet die rustyd saam met
u familie en geliefdes.

Belangrike Datums

23 Januarie:  Voortrekkers vrugtefees!  www.polsslag.co.za vir inligting
24 Januarie:  Ouerbraai om 17:30 vir 18:00
26 Januarie:  Atletiekbyeenkoms te H/s Zwartkop
28 Januarie:  Top 20 atletiekbyeenkoms te Ruimsig
31 Januarie:  Individuele foto’s word geneem
                       Atletiekbyeenkoms te L/s Rooihuiskraal

Laerskool Louis Leipoldt het ‘n ryk en trotse geskiedenis. As die oudste skool in Lyttelton is Louis Leipoldt die vlagskipdraer. Op akademiese gebied is ons ‘n voorloper. Met ons Afrikaanse, Christelike aanslag kweek ons toekomstige leiers. Hier is elke leerling belangrik. Deelname en betrokkenheid is hoog op ons prioriteitslys. Ons roem onsself as ‘n baie goed gebalanseerde skool waar sport en kultuur ‘n regmatige plek in ons leerlinge se opvoeding en onderrig het. Met ons ondersteunende gemeenskap en ouerkorps is dit maklik om hande te vat tot voordeel van ons leerders. ‘n Dinamiese beheerliggaam sterk ons personeel se hande in die proses van kwaliteit onderrrig. Akademiese, sport- en kultuurprestasies is volop en is ‘n toonvenster van ons bekwame en entoesiastiese personeel, leerders wat positief deelneem en ouers wat die skool en leerlinge ondersteun. Laerskool Louis Leipoldt handhaaf hoë lewenswaardes en almal word met respek hanteer. Hierdie lewensuitkyk maak ons trots om deel te wees van die skool. Eens ‘n Leipie, altyd ‘n Leipie.

Nuusbrief

Hierdie week se Nuusbrief
(kliek om oop te maak of af te laai)

Om in te skryf op die weeklikse nuusbrief tik jou e-pos adres heel onder op die Tuisblad. ‘n Bevestigings e-pos sal aan jou gestuur word!

Gedagte vir die week

Wees geduldig met mekaar en vergewe mekaar as die een iets teen die ander het.  Soos die Here julle vergewe het, moet julle mekaar ook vergewe.
Kolossense 3:13

Makro en MySchool kaarte

Onthou asb om hierdie kaarte by die winkels te toon wanneer u inkopies doen.
Gebruik asb u kaart wanneer u Kersinkopies doen.
Elke keer wat die kaarte gebruik word, kry ons skool punte wat in ‘n kontantbetaling omgesit word.
Ouers wat aansoek gedoen het se kaarte is by die skool afgelewer, mev Stander  van die kantoor sal vir u ‘n sms stuur om u kaart af te haal.  Indien u aansoek gedoen het maar nie ‘n sms ontvang nie, kontak asb mev Stander by die kantoor.

Skoolgelde 2017

Skoolgelde vir 2017

Skryfbehoefte Benodighede

Skryfbehoefte Benodighede 2017

Ouers kan bestellings van skryfbehoeftes vir 10 uit 10 boekwinkel skool toe stuur. Word Vrydag afgehaal.

INDIVIDUELE FOTO’S

Alle leerders word op 31 Januarie afgeneem vir skoolrekord doeleindes.  U ontvang ‘n sakkie met ‘n voorbeeld van die foto asook elektroniese fotokode, gebruik asb die unieke fotokode van u eie kind. U is nie verplig om foto’s te koop nie.  Alle betalings word direk aan fotograwe betaal. Die skool hanteer geen kontant/kleingeld nie.
NB:  Leierfoto word ook geneem.

KOMMUNIKEERDER TOEPASSING

Ons wys ouers net daarop dat ons weer ‘n “roll out” doen vir nuwe ouers of ouers wat dalk die vorige keer nie die sms met die skakel tot “Communicator” ontvang het nie.  Indien u weer ‘n sms ontvang om te registreer en u is reeds geregistreer, ignoreer asb die sms. 

Indien ouers nog nie bewus is van die toepassing nie – dit is ‘n toepassing (“app”) waarmee die skool maklik met ouers kan kommunikeer.  Belangrike datums/nuus word so deurgegee. 

Die toepassing kan op u selfoon, rekenaar of albei gelaai word.

Om die nuusbrief met atletiekoefentye op die kommunikeerder te sien, kyk asb onder “resources”.

Skoolsak

Die trollietas “caddi’” word vanaf 2017 uitfaseer en wel vir die volgende redes:
Daar is beperkte plek in die klasse en daarom moet trollietasse buite gelaat word
Daar is soms onwelkome toegang wanneer tasse gedurende klastyd buite is
Die trollietasse se wiele maak ‘n groot lawaai op die stoepe tydens wisseling
Die trollietasse is baie swaar om te dra na die boonste verdieping
Die trollietasse word nie by die trappe afgedra maar afgetrek wat nog meer lawaai

Redes vir die infasering van die rugsak tipe skoolsak
Die kleur en vorm is eenvormig.
Die naam en skoolwapen word op ‘n aparte band aan die skooltas geheg en kan maklik vervang word
Die graad 4 – 7 leerlinge dra nie meer hulle handboeke skool toe nie, dit word in die klasse voorsien, daarom is die groot trollietasse nie meer nodig nie
Die wisseling op trappe word vergemaklik deurdat die tasse op die rug gedra word.
Die skoolsak is liggewig en moet verkieslik op die rug gedra word om die gewig te versprei wat meer bevorderlik is vir die welstand en vorming van die postuur.
Die skoolsak het drie aparte sakkies vir kleiner items
Die graad 1 – 3 leerlinge se possak en plastiese koevert pas regop in die skoolsak

Neem asb kennis dat u ‘n soortgelyke skoolsak by anders verskaffers ook kan koop met voorbehoud dat dit dieselfde kleur en vorm as die voorbeeld (soos op foto) is.

img_1494

img_1497

Laerskool Louis Leipoldt

Kontak Besonderhede

Straatadres: h/v Langebrink en Pretoriuslaan, Lyttelton, 0157 Telefoonnommer: 012 664-5798 / 9 Faksnommer: 012 664-2155 Epos Adres: admin@louisleipoldt.co.za Epos Adres: finansies@louisleipoldt.co.za

Kontak Ons